Әжәкүл

Ауыл
Әжәкүл
татар. Әҗәкүл
55°45′05″ с. ш. 54°00′53″ в. д.
Ил	Рәсәй Федерацияһы
Федерация субъекты	Татарстан
Муниципаль район	Аҡтаныш
Ауыл биләмәһе	Аҡтанышбаш
Тарихы һәм географияһы
Тәүге телгә алыу	1722 йыл
Сәғәт бүлкәте	UTC+4:00
Халҡы
Халҡы	373 кеше (2000)
Милли составы	татарҙар
Һанлы идентификаторҙар
Почта индексы	423740
Код ОКАТО	92 205 000 008
Код ОКТМО	92 605 408 106
Әжәкүл (Рәсәй) Әжәкүл Мәскәү Ҡазан Аҡтаныш Әжәкүл

Әжәкүл — Рәсәй Федерацияһы Татарстан Республикаһы Аҡтаныш районы ауылы. Аҡтанышбаш ауыл биләмәһе составына керә.

География

Ауыл Ағиҙел буйында пристань булып тора, ул Аҡтаныш ауылынан төньяҡ-көнбайыштараҡ 5 км алыҫлыҡта урынлашҡан. Ауыл эргәһендә Әжәкүл күле урынлашҡан.

Тарих

Әжәкүл — гәрә ырыуы башҡорттарының ауылы. 1722 йылдан билдәле. Ырымбур губернаһы Минзәлә өйәҙе Гәрәй улусына ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл башта Шәрип, ә артабан Таҡталасыҡ улусы составына керә.

Ауыл мәсете тураһындағы тәүге мәғлүмәт 1831 йылға ҡарай, 1870 йылда уның ҡарамағында мәктәп теркәлә. ХХ быуат башында земство мәктәбе эшләй.

1920 йылдан Татар АССР-ының Минзәлә кантоны, 1930 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составында була.

Коллективизация осоронда «Урал» колхозы ойошторола, 1958 ул «Үҙәк» колхозына ҡушыла.

Халыҡ һаны

1795 йылда — 225 йән башҡорт һәм 6 йән типтәр; 1816 йылда — 305 йән башҡорт; 1834 йылда — 363 йән башҡорт (уларҙың 6-һы — ике ҡатынлы, 1-һе — өс ҡатынлы); 1848 йылда — 351 йән башҡорт; 1859 йылда — 404 башҡорт; 1912 йылда — 580 башҡорт йәшәй.

Йылдар буйынса халыҡ иҫәбе
(Сығанаҡ: )

1795	1859	1870	1884	1906	1913	1926	1938	1949	1958	1970	1979	1989	2000
231	409	443	441	411	580	590	934	538	446	323	303	359	373

Инфраструктура

Игенселек, малсылыҡ үҫешкән, комбикорм заводы эшләй. Ауылда мәктәп, мәҙәниәт йорто, китапхана бар.