Ғарифуллин Рим Карам улы
| Ғарифуллин Рим Карам улы | |
|---|---|
| Файл:Рим Гарифуллин.jpg | |
| Тыуған көнө | 1943 йылдың 24 сентябре (83 йәш) |
| Тыуған урыны | |
| Ил | |
| Эшмәкәрлеге | йырсы |
| Наградалары һәм премиялары |
 Башҡорт АССР-ының атҡаҙанған артисы[d] (1981 йылдың) |
Рим Карам улы Ғарифуллин (рус. Рим Карамович Гарифуллин; 1943 йылдың 24 сентябре, Ҡотлоғужа, Ғафури районы, Башҡорт АССР-ы, СССР) — совет, рәсәй хор артисы (тенор). Башҡортостан Республикаһының халыҡ (1992), Башҡорт АССР-ының атҡаҙанған (1981) артисы.
Биографияһы
1943 йылдың 24 сентябрендә Башҡорт АССР-ының Ғафури районы Ҡотлоғужа ауылында тыуған[1].
1970 йылда Өфө сəнғəт училищеһын (А. А. Матвеев класы), 1978 йылда Өфө дәүләт сәнғәт институтын (Л. Г. Менабени класы) тамамлаған. 1969 йылдан алып Хор капеллаһы артисы[1]. Башҡортостан Республикаһының Дәүләт академия хор капеллаһы рәйесе.
Ижади эшмәкәрлеге
Репертуарында башҡорт, рус һəм сит ил композиторҙарының хор өсөн əҫəрҙəренəн яңғыҙ партиялар: И. Йомағолов һүҙҙəренə Т. Кəримовтың «Торналар», Я. Ҡолмой һүҙҙəренə Ш. Ибраһимовтың «Уралым», Д. Хəсəншиндең «Халыҡ тормошо күренештәре» ораторияһы һəм халыҡ һүҙҙəренə «Салауат тураһында йырҙар» оратория‑симфонияһы, Р. Мортазин эшкəртеүендəге башҡорт халыҡ йыры «Ағын һыу», К. Бальмонт тəржемəһендə Э. По һүҙҙəренə С. Рахманиновтың «Ҡыңғырауҙар» вокаль‑симфоник поэмаһы, В. Моцарт Реквиемы, И. Бахтың «Магнификат» ораторияһы, Ф. Шуберттың Месса соль миноры һәм башҡалар. Республика вокалистар конкурсы (1962), Ғәзиз Əлмөхəмəтов исемендәге призға республика йəш йырсылар конкурсы (1973) лауреаты[1].
Маҡтаулы исемдәре һәм башҡа наградалары
- Башҡортостан Республикаһының халыҡ артисы (1992);
- БАССР‑ҙың атҡаҙанған артисы (1981);
- Республика вокалистар конкурсы лауреаты (1962);
- Ғ. Əлмөхəмəтов исемендәге призға республика йəш йырсылар конкурсы лауреаты (1973)[1].
Иҫкәрмәләр
- ↑ 1,0 1,1 1,2 1,3 Ғарифуллин Рим Карам улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.