Хәбибрахманов Хәниф Мирзаһит улы

Хәбибрахманов Хәниф Мирзаһит улы
Файл:Хабибрахманов Ханиф Мирзагитович.jpg
Тыуған көнө	1948 йылдың 12 ноябре(1948-11-12) (77 йәш)
Тыуған урыны	Шушнур, Краснокама районы, Башҡорт АССР-ы, РСФСР, СССР
Ил	СССР  Рәсәй
Уҡыу йорто	С. Г. Строганов исемендәге Мәскәү дәүләт художество-сәнәғәт академияһы

Хәниф Мирзаһит улы Хәбибрахманов (рус. Ханиф Мирзагитович Хабибрахманов; 1948 йылдың 12 ноябре, Шушнур, Башҡорт АССР-ы) — совет, Рәсәй скульпторы, 1982 йылдан СССР Рәссамдар союзы ағзаһы. Башҡортостандың атҡаҙанған рәссамы (2006), Башҡортостан Республикаһының Салауат Юлаев исемендәге дәүләт премияһы лауреаты (1992).

Биографияһы

1948 йылдың 12 ноябрендә Башҡорт АССР-ының Краснокама районы Шушнур ауылында тыуған.

25 йәшендә, «Уралмаш» заводында эшләп алғандан һуң, Строганов училищеһына уҡырға инә,

1978 йылда сәнәғәт сәнғәте факультетының металды художестволы эшкәртеү бүлеген тамамлай (хәҙер — монументаль сәнғәт факультеты) (С. Г. Строганов исемендәге Мәскәү дәүләт художество-сәнәғәт академияһы).

Башҡортостан Республикаһының атҡаҙанған рәссамы (2006). Башҡортостан Республикаһының Салауат Юлаев исемендәге дәүләт премияһы лауреаты (1992). 1982 йылдан — Рәсәй Федерацияһы рәссамдар союзы ағзаһы.

1988 йылдан Бөтә Рәсәй һәм халыҡ-ара «Скульптура в камне» симпозиумдарында ҡатнашыусыһы.

Скульпторҙың эштәре М. В. Нестеров исемендәге Башҡорт дәүләт художество музейында (Өфө), шәхси коллекцияларҙа һаҡлана.

Күргәҙмәләре

1978 йылдан Хәбибрахманов Х. М. республика, Бөтә Союз һәм Бөтә Рәсәй, шул иҫәптән махсус (скульптура), зональ, төбәк күргәҙмәләрендә ҡатнаша.

Төп эштәре

«Ете ҡыҙ» фонтаны, Өфө

Малаяҙҙа Салауат Юлаев музейындағы аркалы уйымға индерелеп ҡуйылған алты эре метафорик фигуралар. Өфөлә Башҡортостан Республикаһының Дәүләт Йыйылышы — Ҡоролтай бинаһы янында Салауат Юлаев скульптураһы. Композитор Заһир Исмәғилевтың бронза скульптураһы — Заһир Исмәғилев һәйкәле. Ике тапҡыр Советтар Союзы Геройы Муса Гәрәев гранит бюсы. Янғын һүндереүселәр иҫтәлегенә мемориал. «Арҡайым» мәрмәр скульптураһы.

«Балет сәхнәһе гвардиясыһы» Хашим Мостаевтың, актёр, драматург Илшат Йомағоловтың, Заһир Исмәғилев исемендәге Өфө дәүләт сәнғәт институты профессоры Миләүшә Мортазинаның, күренекле актёр Олег Хановтың скульптуралары.

«Соцветие муз» бронза эштәре, Өфөлә Ибраһимов бульварында ҡуйылған Ғәлимйән Ибраһимов барельефы.

Хәниф Мирзаһит улы Өфөләге «Ете ҡыҙ» фонтан скульптура композицияһының авторы.

Маҡтаулы исемдәре һәм башҡа наградалары

Башҡортостан Республикаһының Салауат Юлаев исемендәге дәүләт премияһы лауреаты (1992).

Ғаиләһе

• Ҡатыны — Людмила Ивановна, рәссам, гобелендар, батиктар авторы, Өфө сәнғәт училищеһы педагогы;
• Ҡыҙы — Альбина, «ЭрЭмСи» фирмаһы дизайнеры;
• Ҡыҙы — Динә, рәссам, Өфө сәнғәт академияһын тамамлаған, Өфө сәнғәт училищеһы уҡытыусыһы;
• Улы — Марат сәнғәт академияһын тамамлаған.

Әҙәбиәт

• Багуманов А. И., Фаизова Ф. А. Лауреаты премии имени Салавата Юлаева: ст.‑зарисовки о творчестве. Уфа, 1999;
• Пространство и форма. Выставка современной российской скульптуры: каталог / сост. И. Н. Оськина. Уфа, 2006.

Һылтанмалар

• Ханиф Мирзагитович Хабибрахман 2012 йылдың 21 май көнөндә архивланған. // АртРу.инфо
• Информационно-публицистический еженедельник «Истоки» 2010 йылдың 21 ноябрь көнөндә архивланған.