Федосеев Глеб Борисович

Учёная степень	медицина фәндәре докторы[d]
Работодатель	Академик И. П. Павлов исемендәге Санкт-Петербург дәүләт медицина университеты;
Пол или гендер	ир-ат
Учебное заведение	Академик И. П. Павлов исемендәге Санкт-Петербург дәүләт медицина университеты;
Дата рождения	1930 йылдың 4 сентябре
Место смерти	Санкт-Петербург, Рәсәй;
Полученные награды	;
Дата смерти	2019 йылдың 11 майы (88 йәш)
Место рождения	Ленинград, РСФСР, СССР;

Федосеев Глеб Борисович (4 сентябрь 1930 йыл — 11 май 2019 йыл) — СССР һәм Рәсәй пульмонологы һәм аллергологы, пульмонологтарҙың һәм аллергологтарҙың ватан фәнни мәктәбенә нигеҙ һалыусыларҙың береһе, Рәсәй медицина фәндәре академияһының ағза-корреспонденты (1999), Рәсәй Фәндәр академияһы ағза-корреспонденты (2014).

Биографияһы

Глеб Борисович Федосеев 1930 йылдың 4 сентябрендә Ленинград ҡалаһында тыуған.

1954 йылда академик И. П. Павлов исемендәге 1-се Ленинград медицина институтын тамамлай, артабан шунда эшләй.

1975—2007 йылдарҙа — госпиталь терапия кафедраһы мөдире, 1973—2003 йылдарҙа — СССР Һаулыҡ һаҡлау министрлығының пульмонология Бөтә Союз фәнни тикшеренеү институтының фәнни эштәр буйынса директор урынбаҫары.

1999 йылда — Рәсәй медицина фәндәре академияһының ағза-корреспонденты итеп һайлана.

2014 йылда — Рәсәй Фәндәр академияһы ағза-корреспонденты булып китә (РАМНА һәм РАСХН РАН-ға ҡушылыу сиктәрендә).

2019 йылдың 11 майында Санкт-Петербурта вафат була.

Фәнни эшмәкәрлеге

Глеб Борисович Федосеевтың ғилми тикшеренеүҙәре бронхиаль астма проблемаларына, этиологияһын, патогенезын, клиникаһын өйрәнеүгә, диагностикалау, дауалау һәм профилактикалауға арналған.

18 монография, 4 ғилми хеҙмәттәр йыйынтығы авторы һәм авторҙашы, 400-ҙән ашыу мәҡәлә һәм 7 уйлап табыу авторы һәм авторҙашы.

Уның етәкселегендә 69 кандидатлыҡ һәм 27 докторлыҡ диссертацияһы уңышлы яҡлана.

2003 йылдан Төньяҡ-Көнбайыш федераль округының штаттан тыш баш терапевы.

Маҡтаулы исемдәре һәм башҡа бүләктәре

«Почёт Билдәһе» ордены,
Хеҙмәт Ҡыҙыл Байраҡ ордены,
Почет ордены,
«Владимир Ильич Лениндың тыуыуының 100-йыллығы айҡанлы» миҙал,
ВДНХ-ның алтын миҙалы — бронхиаль астманы өйрәнеү буйынса эштәр комплексы өсөн,
ВДНХ-ның көмөш миҙалы — бронхиаль астма менән ауырыусыларҙың баротерапияһы буйынса эштәр комплексы өсөн,
«Хеҙмәт ветераны» миҙалы,
«Һаулыҡ һаҡлау отличнигы» тамғаһы,
«Ватан алдындағы һаулыҡ һаҡлау өлкәһендә ҡаҙаныштары өсөн» миҙалы.

Иҫкәрмәләр

Һылтанмалар

Профиль Глеба Борисовича Федосеева РФА рәсми сайтында
YouTube сайтында Профессор Федосеев Г.Б. Многоликость бронхиальной астмы и персонализация терапии