Урал сасси
| Урал сасси | |
|---|---|
| Дата возникновения | 1989 йылдың |
| Число объектов | 1000 |
| Официальный сайт | ursassi.ru |
| Язык произведения или названия | Сыуаш теле |
| Расположение штаб-квартиры | |
«Урал сасси» (баш. Урал тауышы) — Башҡортостанда баҫып сығарылған сыуаш телендәге республика ижтимағи-сәйәси гәзите.
Тарихы
«Башҡортостан Советы» ҡушымтаһы булараҡ[1] гәзит 1989 йылдың октябрендә сыға башлай[2][3]. 1990 йылда республика гәзите статусын ала.
1999 йылдың ғинуарында гәзит Н. Я. Бичурин исемендәге премияға лайыҡ була, ә 2013 йылда Н. В. Никольский ордены менән наградлана[4].
Хәҙерге хәле
Гәзит аҙнаһына 1 тапҡыр 3,3 мең дана тиражы менән[5] А3 форматындағы дүрт биттә сыға. Интернет-версияһы бар.
Гәзиттең учредителдәре — Парламент һәм Башҡортостан Республикаһы хөкүмәте. Редакцияһы Бәләбәй ҡалаһында урынлашҡан.
Йөкмәткеһе
«Урал сасси» гәзите Башҡортостан Республикаһы сыуаштарының тормошон, тарихын, сыуаш теленең, милли мәҙәниәтте, традициялар һәм йолаларҙы тергеҙеү, һаҡлау һәм үҫтереү проблемаларын яҡтырта. Шулай уҡ гәзит билдәле сыуаштар — ғалимдар, яҙыусылар, шағирҙар, композиторҙар, йәмәғәт эшмәкәрҙәре, рәссамдар һ. б. тураһында һөйләй. «Шуратал» әҙәби берекмәһендә ҡатнашыусыларҙың әҫәрҙәре баҫыла.
Иҫкәрмәләр
Һылтанмалар
- Кузьмин Ф. В. Урал сасси // Башкортостан: краткая энциклопедия. — Уфа, 1996.
- Башҡорт энциклопедияһында мәҡәлә(недоступная ссылка)
- «Урал сасси» («урал тауышы») 2016 йылдың 17 март көнөндә архивланған. // Бәләбәй хәбәрҙәре. — 2011. — 13 ғинуар.