Тымытыҡ
| Деревня | |||
| Тымытыҡ | |||
|---|---|---|---|
| татар. Тымытык | |||
| 55°00′58″ с. ш. 53°17′50″ в. д.GЯO | |||
| Ил |
 Рәсәй Федерацияһы |
||
| Федерация субъекты | Татарстан | ||
| Муниципаль район | Аҙнаҡай | ||
| Ауыл биләмәһе | Тымытыҡ | ||
| Тарихы һәм географияһы | |||
| Сәғәт бүлкәте | UTC+4:00 | ||
| Халҡы | |||
| Халҡы | 1423 кеше (2009) | ||
| Һанлы идентификаторҙар | |||
| Почта индексы | 423316 | ||
| Автомобиль коды | 16, 116 | ||
| ОКАТО коды | 92 202 000 055 | ||
| ОКТМО коды | 92 602 460 101 | ||
| ГКГН номеры | 0190005 | ||
|
|
|||
Тымытыҡ — Рәсәй Федерацияһы Татарстан Республикаһы Аҙнаҡай районы ауылы. Тымытыҡ ауыл биләмәһе составына керә һәм уның административ үҙәге булып тора.
География
Ауыл Әгер йылғаһы (Ыҡ ҡушылдығы) буйында, Аҙнаҡай ҡалаһынан төньяҡ-көнсығыштараҡ км алыҫлыҡта урынлашҡан[1].
Тарих
Тымытыҡ — юрмый ырыуы башҡорттарының ауылы[2]. 1750 йылдан билдәле[1]. Ырымбур губернаһы Бөгөлмә өйәҙенә ҡарай. 1850 йылда Бөгөлмә өйәҙе Һамар губернаһына инә. 1866 йылда ырыу улустары бөтөрөлгәс, ауыл Стәрлетамаҡ улусы составына керә.
1859 йылда мәсет, ХХ быуат башында мәсет ҡарамағында мәктәп теркәлгән[1].
1920 йылда ауыл яңы ойошторолған Татар АССР-ының Бөгөлмә кантоны составына керә. 1930 йылдан — Тымытыҡ районы, 1935 йылдан — Аҙнаҡай районы, 1935 йылдан — Тымытыҡ районы, 1958 йылдан — Аҙнаҡай районы, 1963 йылдан — Әлмәт районы, 1965 йылдан — йәнә Аҙнаҡай районы составында була[1].
Халыҡ һаны
1795 йылда ауылда ир енесле 88 йән башҡорт, 95 йән типтәр, 99 йән яһаҡлы татар һәм 39 йән хеҙмәтсе татар; 1816 йылда — 92 йән башҡорт, 64 йән типтәр һәм 97 йән дәүләт крәҫтиәне; 1834 йылда — 99 йән башҡорт һәм 87 йән типтәр; 1859 йылда — 164 йән аҫаба башҡорт, 140 йән типтәр, 164 ҡаҙна крәҫтиәне һәм 53 керҙәш башҡорт йәшәй[2].
Инфраструктура
Игенселек, малсылыҡ үҫешкән. Ауылда мәктәп, клуб, мәсет бар[1].