Туҡтарова Полина Григорьевна

Туҡтарова Полина Григорьевна
Туҡтарова Полина Григорьевна
	Файл:1Tuktarova-Polina-Grigorevna-800x445.jpg
Тыуған көнө	1922 йылдың 30 декабре (103 йәш)
Тыуған урыны	Өфө, Башҡорт АССР-ы, РСФСР;
Ил	СССР; РСФСР; Рәсәй;
Наградалары һәм премиялары	Өфөнөң почётлы гражданы (2025 йылдың)

РУВИКИ интернет-энциклопедияһында Туҡтаров фамилиялы башҡа кешеләр тураһында мәҡәләләр бар.

Туҡтарова Полина Григорьевна (ҡыҙ фамилияһы — Шешегова; 1922 йылдың 30 декабре, Өфө, Башҡорт АССР-ы) — Бөйөк Ватан һуғышы ветераны. Ефрейтор. Өфө ҡалаһының почётлы гражданы (2025).

Биографияһы

Полина Григорьевна Туҡтарова 1922 йылдың 30 декабрендә Өфөлә тыуған^[1].

Белеме

1941 йылда мәктәпте тамамлай. Артабан уҡыуын бухгалтерҙар курсында дауам итә. Бөйөк Ватан һуғышынан һуң ситтән тороп Бөтә Союз Юридик институтын тамамлай^[1].

Хәрби хеҙмәте

1942 йылдың 7 майында Башҡорт АССР-ынан 3000 ҡыҙ составында үҙ ирке менән фронтҡа китә. 1942 йылдың ноябренән 1945 йылдың майына тиклем 1077-се зенит-артиллерия полкы составында стереоскопист-алыҫлыҡ үлсәүсе булып хеҙмәт итә. Сталинградты, Ҡырымды обороналауҙа һәм азат итеүҙә ҡатнаша. Керчь азат ителгәс, Ялта конференцияһының хәүефһеҙлеген тәьмин итеүсе ғәскәр составында була^[2].

1945 йылдың майында демобилизациялана^[1].

Хеҙмәт эшмәкәрлеге

Бөйөк Ватан һуғышы тамамланғас, тыуған яғына ҡайта. «Электроаппарат» заводына эшкә урынлаша, унда 7 йыл диспетчер булып эшләй. Артабан Ленин партия район комитетына эшкә саҡыралар, унда сәнәғәт-транспорт бүлеге инструкторы булып эшләй. Юридик белем алғандан һуң, 1956 йылда уны ҡабаттан үҙенең тыуған заводына эшкә саҡыралар. Унда финанс-тәьминәт бүлеге, юридик бүлек начальнигы-юристконсульт була^[1]^[2].

2025 йылдың 15 ғинуарында «Еңеү» ойоштороу комитеты ултырышында Рәсәй Президентының РФ Оборона министрлығының (рус.)баш. барлыҡ фронтовиктарға — Бөйөк Ватан һуғышында ҡатнашыусыларға үҙ ҡалалары һәм райондарының, ауылдарының почётлы гражданы исемен биреү тураһындағы инициативаһын хуплауы нигеҙендә 2025 йылдың 27 февралендә «Өфө ҡалаһының почётлы гражданы» исеме бирелә^[3].

Ғаиләһе

Тормош иптәше, фронтовик, хәрби осоусы Үзбәк Туҡтаров менән ике ҡыҙ тәрбиәләп үҫтерәләр. Өлкән ҡыҙҙары Лилиә әсәһенең хыялын тормошҡа ашырып, рус теле һәм әҙәбиәте уҡытыусыһы була. Бәләкәйҙәре Светлана — медицина фәндәре кандидаты.

Маҡтаулы исемдәре һәм башҡа бүләктәре

II дәрәжә Ватан һуғышы ордены^[4]
Сталинградты обороналаған өсөн миҙалы^[5]^[2]
«1941-1945 йылдарҙағы Бөйөк Ватан һуғышында Германияны еңгән өсөн» миҙалы
Өфө ҡалаһының почётлы гражданы.

Иҫкәрмәләр

Һылтанмалар

[ПГУ-1] 1,0 ^1,1 ^1,2 ^1,3 Туктарова Полина Григорьевна

[ВРБ-2] 2,0 ^2,1 ^2,2 102-летняя участница войны Полина Туктарова. Выжила в пламени Сталинграда

[3] О присвоении звания «Почётный гражданин города Уфы» Туктаровой П. Г.

[4] Туктарова Полина Григорьевна Орден Отечественной войны II степени

[5] Шешегова Полина Григорьевна Медаль «За оборону Сталинграда»

[1]

[2]

[3]

[4]

[5]