Турай
| Ауыл | |
| Турай | |
|---|---|
| татар. Турай | |
| 55°57′05″ с. ш. 52°34′35″ в. д.GЯO | |
| Ил |
 Рәсәй Федерацияһы |
| Федерация субъекты | Татарстан |
| Муниципаль район | Менделеевск |
| Ауыл биләмәһе | Турай |
| Тарихы һәм географияһы | |
| Тәүге телгә алыу | 1664 йыл |
| Сәғәт бүлкәте | UTC+4:00 |
| Халҡы | |
| Халҡы | 474[1] кеше (2008) |
| Милли составы | татарҙар[1] |
| Конфессиялар | мосолмандар |
| Һанлы идентификаторҙар | |
| Телефон коды | +7 +7 85549 |
| Почта индексы | 423650 |
| Код ОКАТО | 92 239 000 035 |
| Код ОКТМО | 92 639 488 101 |
|
|
|
Турай — Рәсәй Федерацияһы Татарстан Республикаһы Менделеевск районы ауылы. Турай ауыл биләмәһе составына керә һәм уның үҙәге булып тора.
География
Ауыл Түбәнге Кама һыуһаҡлағысынан 1,5 км алыҫлыҡта, Менделеевск ҡалаһынан көнсығыштараҡ 19 км алыҫлыҡта урынлашҡан[1].
Тарих
Турай — байлар ырыуы башҡорттарының ауылы[2]. 1664 йылдан билдәле[1]. Ырымбур губернаһы Байлар улусының Турай түбәһенә, 1805 йылдан Вятка губернаһы Алабуға өйәҙе Байлар улусының Турай түбәһенә ҡарай. 11-се башҡорт кантоны составында була. 1866 йылда ырыу улустары бөтөрөлгәс, ауыл Салағош улусы составына керә.
ХХ быуат башында ауылда мәсет һәм мәктәп теркәлгән. 1913 йылдан земство мәктәбе эшләй[1].
1920 йылдан Татар АССР-ының Минзәлә кантоны, 1921 йылдан —Алабуға кантоны, 1928 йылдан — Саллы кантоны составында була. 1930 йылдан — Бөндөж районы, 1931 йылдан — Алабуға районы, 1935 йылдан — Бөндөж районы, 1963 йылдан — Алабуға районы, 1985 йылдан — Менделевск районы составында була[1].
Халыҡ һаны
1816 йылда ауылда ир енесле 161 йән башҡорт; 1834 йылда — 246 йән башҡорт; 1850 йылда — 346 йән башҡорт йәшәй[2].
| 1859 | 1887 | 1905 | 1920 | 1926 | 1938 | 1949 | 1958 | 1970 | 1979 | 1989 | 2002 | 2008 |
|---|---|---|---|---|---|---|---|---|---|---|---|---|
| 843 | 1227 | 1445 | 1655 | 1576 | 1186 | 757 | 743 | 675 | 607 | 550 | 518 | 474 |
Инфраструктура
Игенселек, малсылыҡ үҫешкән; кирбес заводы эшләй. Ауылда урта мәктәп, мәҙәниәт йорто, китапхана, мәсет бар[1].