Сербия короллеге

Тарихи дәүләт
Сербия короллеге
Краљевина Србија
Флаг Герб
Гимн: Боже правде
←  ←  ←   → 1882 — 1918
Баш ҡала	Белград
Телдәр	Серб теле
Рәсми тел	Серб теле
Дин	православие
Аҡса берәмеге	серб динары[d]
Майҙаны	92 208 км²
Идара итеү формаһы	конституцион монархия
Династия	Обреновичтар (1903 йылға тиклем) Ҡарагеоргиевичтар (1903 йылдан)
Валюта	Серб динары
Тарихы
• 6 март 1882	Основание
• 26 ноябрь 1918	Черногория короллеге менән берләшеү
• 1 декабрь 1918	Сербтар, Хорваттар һәм Словендар короллеге менән берләшеп, Югославия барлыҡҡа килеү
Логотип РУВИКИ.Медиа РУВИКИ.Медиа файлдары

Сербия короллеге (серб.сер. Краљевина СрбијаКраљевина Србија) — 1882 йылда кенәз Милан IV Обреновичты мәсехләгәндән һуң Сербия кенәзлегенән барлыҡҡа килтерелгән балҡан дәүләте. 

Тарихы

1885 йылда серб-болгар һуғышы була, ул  Сербия короллегенең еңелеүе менән тамамлана. 1903 йылда Александр Обренович  ҡатыны Драга менән бергә Ҡарагеоргиевичтар яҡлы  «Берләшеү йәки үлем!» (серб.сер. Уједињење или смртУједињење или смрт), башҡа төрлө  «Ҡара ҡул» тип тә йөрөтөлгән, Дунай дивизияһы полковнигы  Драгутин Дмитриевич (Апис) етәкселек иткән ойошма тарафынан атып үлтерелгәс,  Пётр I Ҡарагеоргиевич король ителә.

1912—1913 йылдарҙа Сербия короллеге Беренсе Балҡан һуғышында ҡатнаша, һуғыш Лондон солох договорына ҡул ҡуйыу менән тамамлана, бының һөҙөмтәһендә короллектең биләмәләре ике тапҡырға тиерлек киңәйә. 

1913 йылда Сербия короллеге Икенсе Балҡан һуғышында ҡатнаша, был һуғыш Бухарест солох договоры төҙөү менән тамамланып, короллектең сиктәре тағы ла киңәйә төшә. 

1914 йылдан алып ахырына тиклем Беренсе донъя һуғышында ҡатнаша, бынан һуң 1918 йылда серб короле  Пётр I Ҡарагеоргиевич хакимлығы аҫтындағы Сербтар, Хорваттар һәм Словендар короллеге барлыҡҡа килә.

• 
• 
• 

Халҡы

Балҡан һуғыштарына тиклем Сербия короллегендә 10 000-дән ашыу кеше йәшәгән 17 ҡала була.  1910—1912 йылдарҙа Сербия короллегенең иң ҙур ҡалалары:

• Белград — 100 000 
• Призрен — 60 000
• Битола — 54 000
• Скопье — 50 000
• Ниш — 25 000
• Велес — 24 000
• Приштина — 20 000
• Прилеп — 20 000
• Крагуевац — 18 500
• Охрид — 18 000
• Лесковац — 14 300
• Тетово — 14 000

Идараһы

Закондар сығарыу органы — Милли Йыйылыш, дәүләт башлығы — Король, башҡарма органы — Министрҙар  Советы, округтарҙың вәкәләтле органдары — округ йыйылыштары (окружне скупштине), башҡарма органдары  — округ комитеттары (окружни одбори), общиналарҙың вәкәләтле органдары — община йыйылыштары (општински збор), башҡарма органдары — община комитеттары (општински одбор),  кметтар (кмет) уларҙың рәйестәре була.

Королдәре

• Милан I Обренович 1882—1889
• Александр Обренович 1889—1903
• Пётр I Карагеоргиевич 1903—1921

Һылтанмалар

• Обреновичи // Брокгауз һәм Ефрондың энциклопедик һүҙлеге: 86 томда (82 т. һәм 4 өҫтәмә том). — СПб., 1890—1907. (рус.)(урыҫ.)

ВТ-ЭСБЕ

1

Обреновичи

• Обреновичи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
• Королевство Сербия в 1912
• Королевство Сербия в 1914
• Королевство Сербия в 1918
• Карта