Роберта Метсола
| Викидата элементы тултырылмаған |
Роберта Метсола (ҡыҙ фамилияһы Тедеско Триккас, мальт. Roberta Metsola Tedesco Triccas) Мальта сәйәси эшмәкәре. Милли партия ағзаһы. 2022 йылдың 18 ғинуарынан Европа парламенты рәйесе, рәйес итеп һайланған иң йәш сәйәсмән, һәм был вазифала өсөнсө ҡатын-ҡыҙ. Унан элегерәк — Европа парламенты рәйесенең беренсе урынбаҫары (2020—2022)[1]. 2013 йылдан Мальтанан Европа парламенты депутаты, Европа халыҡ партияһы (Европа парламентында христиан-демократик төркөмө) францияһы аҡзаһы[2][3].
Биографияһы
1979 йылдың 18 ғинуарында Мальтаның Сент-Джулианс ҡалаһында тыуа[2][3][4]. Уның ата-әсәһе — Рита (Rita) һәм Джеффри Тедеско Триккас (Geoffrey Tedesco Triccas).[5]
2003 йылда Мальта университетының юридик факультетын тамамлай, унда Европа хоҡуғын һәм сәйәсәтен өйрәнә. Диплом алғандан һуң, 2003—2004 йылдарҙа, Брюггта Европаның шәхси колледжында белем ала, унда Европа хоҡуғын өйрәнә[1]. 2000—2002 йылдарҙа студент-демократтарының (EDS) уң үҙәк вице-рәйесе була. 2002—2003 йылдарҙа Европа студенттары демократтарының генераль секретары була[2][4].
2004 йылдан 2012 йылға тиклем Метсола Мальтаның Европа берлеге ҡарамағындағы даими вәкиллегендә хоҡуҡи һәм суд хеҙмәттәшлеге буйынса атташе сифатында була һәм юстиция һәм эске эштәр бүлеге башлығы булып эшләй. 2012—2013 йылдарҙа — сит ил эштәре һәм хәүефһеҙлек сәйәсәте буйынса Союздың Юғары Вәкиле Кэтрин Эштон янында юрисконсульт.
2013 йылдың мартында парламент һайлауҙарында Мальта парламентына һайланған Саймон Бусуттила урынына 2013 йылдың 25 апрелендә Европа парламенты депутаты итеп һайлана. 2014—2019 йылдарҙағы һайлауҙарҙа ҡабаттан депутат итеп һайлана. 2014—2019 йылдарҙа — Европа парламентының петициялар буйынса комитеты рәйесе урынбаҫары (PETI). Европа парламентында Метсола 2022 йылдың 19 ғинуарына тиклем Европа халыҡ партияһының Граждандар азатлығы, суд эшмәкәрлеге һәм эске эштәр комитетында төркөм координаторы булып тора[2] һәм Европа халыҡ партияһы төркөмөндә үҙенең милли партияһы делегацияһына етәкселек итә. Ул шулай уҡ Европа парламентының коррупцияға ҡаршы көрәш буйынса халыҡ-ара төркөм рәйестәше була, әлеге ваҡытта был төркөм командаһы ағзаһы.
2020 йылдың 12 ноябрендә Европа парламенты рәйесенең беренсе урынбаҫары итеп һайлана[2][3]. Метсола — вице- президент итеп һайланған тәүге Мальта депутаты. 2022 йылдың 11 ғинуарында Европа парламенты рәйесе Давид Сассоли вафатынан һуң Метсола уның вазифаларын башҡарып тора. 18 ғинуарҙа ул яңы рәйес итеп һайлана. Шулай итеп, ул Европа парламентының иң йәш рәйесе була[3].
Шәхси тормошо
2005 йылда Европала The Cruise Lines International Association-дың (CLIA) генераль директоры, Royal Caribbean International-дың[6] башҡарма директоры фин гражданы Укко Метсолаға (Ukko Metsola) кейәүгә сыға. Икеһе лә 2009 йылда Европа парламентына һайлауҙарҙа (Укко фин Милли коалиция партияһынан) ҡатнаша.
Балалары
Уларҙың 5 йәштән алып 14 йәшкә тиклемге дүрт улы бар: Лука, Алек, Марк һәм Кристи.
Иҫкәрмәләр
- ↑ 1,0 1,1 Roberta Metsola elected as First Vice-President of the European Parliament (ингл.). European Parliament (12 ноябрь 2020). Мөрәжәғәт итеү датаһы: 19 ғинуар 2022. Архивировано 24 октябрь 2021 года.
- ↑ 2,0 2,1 2,2 2,3 2,4 Roberta Metsola (ингл.). European Parliament. Мөрәжәғәт итеү датаһы: 18 ғинуар 2022. Архивировано 11 ғинуар 2022 года.
- ↑ 3,0 3,1 3,2 3,3 Roberta Metsola elected new President of the European Parliament (ингл.). European Parliament (18 ғинуар 2022). Мөрәжәғәт итеү датаһы: 19 ғинуар 2022. Архивировано 19 ғинуар 2022 года. Өҙөмтә хатаһы:
<ref>тег дөрөҫ түгел: «president» исеме бер нисә тапҡыр төрлө йөкмәткегә бирелгән - ↑ 4,0 4,1 Биография Роберты Метсолы. 2022-01-18. РИА Новости. Мөрәжәғәт итеү датаһы: 18 ғинуар 2022. Архивировано 18 ғинуар 2022 года. Өҙөмтә хатаһы:
<ref>тег дөрөҫ түгел: «ria» исеме бер нисә тапҡыр төрлө йөкмәткегә бирелгән - ↑ Calleja, Claudia. Watch: 'We aren't a political family' - Metsola's parents watch her make history. 2022-01-18 (ингл.). Times of Malta. Мөрәжәғәт итеү датаһы: 19 ғинуар 2022. Архивировано 18 ғинуар 2022 года.
- ↑ Глава CLIA: рынок международных морских круизов восстановился на 80% к уровню 2019 года. Интерфакс (10 ноябрь 2021). Мөрәжәғәт итеү датаһы: 19 ғинуар 2022. Архивировано 18 ғинуар 2022 года.
Был мәҡәләгә Рувикиның башҡа мәҡәләләре һылтанмай. |
.svg){kind=link}