Попов Семён Ефремович

Место смерти	Прокопьевск, Кемерово өлкәһе, РСФСР, СССР
Место рождения	Кандаковка, Күсәкәй ауыл Советы, Бөрө районы, СССР
Дата смерти	1987 йылдың 9 ноябре(1987-11-09) (70 йәш)
Принадлежность	СССР
Пол или гендер	ир-ат
Воинское, полицейское или специальное звание	Сержант
Вид или род войск	пехота[d]
Дата рождения	1917 йылдың 10 марты(1917-03-10)
Полученные награды
Война/сражение	Бөйөк Ватан һуғышы

Попов Семён Ефремович (10 март 1917 йыл — 8 ноябрь 1987 йыл) — Бөйөк Ватан һуғышында ҡатнашыусы. Мотоуҡсылар бригадаһының разведка отделениеһы командиры ярҙамсыһы, сержант. Дан орденының тулы кавалеры.

Биографияһы

Семён Ефремович Попов 1917 йылдың 10 мартында Өфө губернаһы Златоуст өйәҙе Кандаковка (хәҙер Башҡортостан Республикаһының Ҡыйғы районы) ауылында крәҫтиән ғаиләһендә тыуған. Башланғыс мәктәпте тамамлай, Кемерово өлкәһендә ағас эшкәртеү хужалығында эшләй.

1942 йылдың майында Ҡыҙыл Армияға алына. 1942 йылдың авгусынан Бөйөк Ватан һуғышы фронттарында.

8‑се мотоуҡсылар бригадаһының разведка отделениеһы командиры ярҙамсыһы (9-сы танк корпусы, 1-се Белоруссия фронты) кесе сержант Попов 1944 йылдың 27 июлендә баҫып алыу төркөмө менән Польшалағы Белосток ҡалаһынан көньяҡтараҡ Яново тораҡ пункты эргәһендәге дошман урынлашҡан ергә үтеп инә, дошмандың 15 һалдатын юҡ итә, 8 һалдатын әсирлеккә ала. Корпустың 1944 йылдың 10 сентябрендәге приказы менән III дәрәжә Дан ордены менән бүләкләнә.

1945 йылың 14 ғинуарында Радом ҡалаһы янындағы төнгө эҙләү барышында сержант Попов һәм разведчиктар дошмандың казармаһына гранаталар ташлай, күп дошман һалдаттары ҡырыла, ә һаҡсы әсиргә алына. Фронт буйынса 1945 йылдың 8 мартындағы приказы менән ул II дәрәжә Дан ордены менән бүләкләнә.

Бронетранспортер экипажы командиры сержант Попов 1945 йылдың 25 апрелендә Берлинға килеп ингән ерҙәрҙәге һуғышта дошмаға байтаҡ зыян килтерә: дошман бронетранспортерын яндыра, 10-дан ашыу автоматсыһын юҡ итә, бер нисә һалдатын әсирлеккә ала. СССР Юғары Советы Президиумының 1946 йылдың 15 майҙағы Указы менән ул I дәрәжә Дан ордены менән бүләкләнә.

1945 йылдың август айында демобилизациялана. Прокопьевск ҡалаһында йәшәй, шахтала эшләй, һуңынан автобазала пилорамсы була.

1985 йылда Еңеүҙең 40-йыллығы менән бәйле I дәрәжә Ватан һуғышы ордены менән бүләкләнә.

1987 йылдың 9 ноябрендә вафат була. Прокопьевск ҡалаһының Высокий ҡасабаһында ерләнгән.

Маҡтаулы исемдәре һәм башҡа бүләктәре

• Ике I дәрәжә Ватан һуғышы ордены (1943, 1985)
• Ҡыҙыл Йондоҙ ордены (1943)
• 1‑се (1946), 2‑се (1945), 3‑сө (1944) дәрәжә Дан ордендары

Хәтер

С. Е. Попов исеме менән Прокопьевск ҡалаһында бер урам аталған

Әҙәбиәт

• Кавалеры ордена Славы трёх степеней. Биограф.словарь. М.: Воениздат, 2000
• Полные кавалеры ордена Славы. Биографический словарь. (в 2 томах) М.: Воениздат, 2010
• Фронтовики, наденьте ордена! Кемерово, 1970. С. 141—144
• Кузбассовцы — полные кавалеры ордена Славы: Фотоальбом. Кемерово, 1975

Һылтанмалар

• Попов Семён Ефремович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 8 март 2022)
• Документы на сайте «Подвиг народа»
• В биографическом словаре