Мәхмәт-бег Капетанович-Любушак

Мәхмәт-бег Капетанович-Любушак
Мәхмәт-бег Капетанович-Любушак
	босн. Mehmed-beg Kapetanović Ljubušak
Тыуған көнө	1839 йылдың 19 декабре
Тыуған урыны	Vitina, Bosnia and Herzegovina[d], Босния һәм Герцеговина;
Вафат булыу көнө	1902 йылдың 28 июле (62 йәш)
Вафат булыу урыны	Grbavica[d], Сараево, Австро-Венгрия;
Гражданлығы (подданныйлығы)	Босния һәм Герцеговина;
Эшмәкәрлек төрө	сәйәсмән, яҙыусы
Әҫәрҙәре теле	Босния теле
	Логотип РУВИКИ.Медиа РУВИКИ.Медиа файлдары

Мәхмәт-бег Капетанович Любушак (босн. Mehmed-beg Kapetanović Ljubušak; (19 декабрҙә 1839 (1839-12-19), Ғосман империяһы Босния әйәләте Витина ауылы (хәҙерге Босния һәм Герцеговинаның Любушки ҡалаһы) — 28 июль 1902, Австро-Венгрия, Босния һәм Герцеговина кондоминиумы, Сараево) — босний яҙыусыһы, фольклорсы, зыялый. Дәүләт эшмәкәре. Сараево ҡалаһы башлығы (1893—1899).

Босний халыҡының милли идентификация процесына ҙур өлөш индерә.

Биографияһы

Боснияның затлы ғаиләһендә тыуған. Любушки ҡалаһы мәҙрәсәһен тамамлаған. Көнсығыш телдәрен өйрәнә. Боснияның бер нисә ҡалаһында чиновник булып хеҙмәт итә.

1878 йылдан Сараевола йәшәй. 1893 йылда Сараевоның ҡала башлығы була. Ҡала инфраструктураһын үҫтереү менән шөғөлләнә. Ул ҡала башлығы вазифаһын үтәгән осорҙа Сараевоны әүҙем электрлаштырыу башлана. 1895 йылдың 1 майында Сараевола май фонарҙары урынына тәүге тапҡыр электр урам яҡтыртыуҙары эшләй башлай. Шул уҡ көндө Сараево Европала электр трамвайҙары файҙаланыла башлаған тәүге ҡалаларҙың береһе була.

1898 йылдың июлендә инсульт кисерә, һаулыҡ менән бәйле проблемалар арҡаһында, 1899 йылдың апрелендә ул мэр вазифаһын ҡалдыра.

Ижады

XIX быуат аҙағында Капетанович Босния һәм Герцеговинала һәм күрше төбәктәрҙә фольклор йыйыу менән әүҙем шөғөлләнә.

Бер нисә китап баҫтырып сығара. 1891 йылда «Босняк» («Bošnjak») әһәмиәтле сәйәси журналына нигеҙ һала, уның тирәләй үҙ заманының бер нисә босний зыялыларын йыя.

Бер нисә тарихи һәм публицистик хеҙмәт авторы.

1888 йылда «Халыҡ байлығы» («Narodno blago») исеме аҫтында халыҡ мәҡәлдәре, әйтемдәре һәм йырҙары йыйынтығын баҫтырып сығарғандан һуң билдәлелек ала. Икенсе китабында «Көнсығыш хазинаһы» (1896) яңы төрөк, ғәрәп һәм фарсы мәҡәлдәрен һәм әйтемдәрен йыя һәм тәржемә итә.

Һайланма әҫәрҙәре

Risale-i ahlak (1883)
Sto misle muhamedanci u Bosni? (1886)
Narodno Blago (1887)
Boj pod Banjomlukom 1737 (1888)
Budućnost ili napredak muhamedanaca u Bosni i Hercegovini (1893)

Иҫкәрмәләр

↑ Mehmed-beg Kapetanović ljubušak // Hrvatski biografski leksikon (хорв.) — 1983.
↑ Mehmed-beg Kapetanović Ljubušak // Proleksis enciklopedija, Opća i nacionalna enciklopedija (хорв.) — 2009.

Әҙәбиәт

Narodno-blago Mehmed beg Kapetanović Ljubušak (босн.)

Һылтанмалар

[_35853df61e767482-1] Mehmed-beg Kapetanović ljubušak // Hrvatski biografski leksikon (хорв.) — 1983.

[_30028c3ba6c11d5b-2] Mehmed-beg Kapetanović Ljubušak // Proleksis enciklopedija, Opća i nacionalna enciklopedija (хорв.) — 2009.

[1]

[2]