Лисициан Карина Павловна

Карина Лисициан
Карина Лисициан
Тулы исеме	Карина Павловна Лисициан
Тыуған көнө	28 октябрь 1938 (87 йәш)
Тыуған урыны	Ереван, ; Әрмән ССР-ы
Ил	СССР Рәсәй Федерацияһы
Һөнәре	СССР, Рәсәй, әрмән йырсыһы, музыка педагогы
Йырсы тауышы төрө	меццо-сопрано
Жанр	камера музыкаһы
Коллектив	«Мадригал» иҫке йыр ансамбле
Сотрудничество	Мәскәү дәүләт академия филармонияһы
	Рәсәй Федерацияһының атҡаҙанған артисы

Карина Павловна Лисициан (28 октябрь 1938 йыл, Ереван, Әрмән ССР-ы) — СССР, Рәсәй һәм әрмән йырсыһы, музыкаль педагог. Әрмән ССР-ының халыҡ (1987), Рәсәйҙең атҡаҙанған артисы (1997), профессор.

Биографияһы

Әрмән милләтле Павел Герасимович менән Дагмара Александровна (билдәле совет йырсыһы Зара Долуханованың апаһы) Лисициандар ғаиләһендә тыуа. Мәскәү дәүләт консерваторияһының фортепиано класын, унан һуң Гнесиндар исемендәге Музыка-педагогика институтының камера йыры класын тамамлай. 1965 йылла иҫке йырҙар башҡара торған «Мадригал» ансамбленең солисы була. Артабан күп йылдар һеңлеһе Рузанна Лисициан менән камера репертуары башҡарған дуэтта йырлай. Уларҙың вокаль дуэты СССР-ҙа киң танылыу ала, донъяның күп илдәрендә гастролдә була. Дуэт үҙенең репертуарын даими тулыландырып тора, 1990-сы йылдар башына унда төрлө осорҙар, жанрҙар һәм стилдәрҙәге биш йөҙҙән ашыу йыр була.

1990 йылдан Карина Лисициан Рәсәй Театр Сәнғәте институтында (ГИТИС) уҡыта, тәүҙә ул вокаль ансамбль класын, унан һуң академик йыр класын алып бара. Рузанна һәм Рубен Лисициандар менән бергә П. Лисициан исемендәге хәйриә фондын аса, фонд эшмәкәрлеге сиктәрендә күп һанлы концерттар, оҫталыҡ кластары, ижади семинарҙар ойошторола.

Карина Лисициан — Рәсәй дәүләт һәм йәмәғәт эшмәкәре Александр Владиславлевта кейәүҙә.

Һылтанмалар

О вокальных педагогах. 2016 йылдың 4 март көнөндә архивланған. Карина Лисициан 2016 йылдың 4 март көнөндә архивланған.
Карина и Рузанна Лисициан на сайте фонда Ирины Архиповой
Накануне Первого международного конкурса баритонов 2009 йылдың 22 май көнөндә архивланған.