Крымская Вера Петровна

Учёная степень	педагогия фәндәре кандидаты[d]
Работодатель	Урал дәүләт педагогия университеты
Пол или гендер	ҡатын-ҡыҙ
Дата рождения	1896 йылдың 23 марты(1896-03-23)
Учебное заведение	Пермь дәүләт педагогия университеты
Полученные награды
Место смерти	Екатеринбург, РСФСР, СССР
Дата смерти	1963 йылдың 29 сентябре(1963-09-29) (67 йәш)
Место рождения	Киев, Рәсәй империяһы
Место погребения	Широкореченское кладбище[d]

Крымская Вера Петровна (11 март (23 март) 1896 йыл — 29 сентябрь 1963 йыл) — СССР-ҙың ғалим-методисы, РСФСР мәктәбенең атҡаҙанған уҡытыусыһы (1947), РСФСР педагогия фәндәре академияһы ағза-корреспонденты (1950); педагогия фәндәре кандидаты.

Мәктәптә урыҫ телен уҡытыу методикаһы буйынса 20-нән ашыу хеҙмәт һәм өс монография авторы.

Биографияһы

Вера Петровна Крымская 1896 йылдың 11 мартында (яңы стиль буйынса 23 мартта) Киев ҡалаһында хеҙмәткәр ғаиләһендә тыуған.

Могилёвта үҫә һәм уҡый, бында 1914 йылда гимназияны тамамлай. 14 йәшенән репетиторлыҡ менән шөғөлләнә, уҡытыусы булырға хыяллана. 1916 йылда Уҡытыусылар институтын тамамлай. Кейәүгә сыҡҡас, 1916 йылдан алып 1930 йылға тиклем ғаиләһе менән Рудня ҡалаһында йәшәй. 1933 йылда уларҙың ғаиләһе Златоуст ҡалаһына күсә. Вера Петровна 1933—1937 йылдарҙа белем алыуын Пермь дәүләт педагогия институтында дауам итә һәм 1936 йылда Свердловск ҡалаһына күсә.

Свердловскиҙа урта мәктәптә эшләй башлай, бында урыҫ теле һәм әҙәбиәте дәрестәрен алып бара. 1938 йылдан башлап ғүмеренең аҙағына тиклем Свердловск дәүләт педагогия институтында уҡыта. 1952 йылда Мәскәүҙә, РСФСР педагогия фәндәре академияһының уҡытыу алымдары ғилми-тикшеренеү институтында, «Работа по русскому языку в 10 классе средней школы на материале программы произведений по литературе» темаһы буйынса кандидатлыҡ диссертацияһы яҡлай.

В. П. Крымская шулай уҡ йәмәғәт эшмәкәрлеге менән шөғөлләнә — Свердловск ҡала советы депутаты (1947) һәм РСФСР Юғары Советы депутаты итеп һайлана (1951, 1955).

1963 йылдың 29 сентябрендә Свердловск ҡалаһында вафат була. Широкая Речка зыяратында ерләнгән.

Маҡтаулы исемдәре һәм башҡа бүләктәре

• РСФСР мәктәбенең атҡаҙанған уҡытыусыһы (1947
• «Халыҡ мәғарифы алдынғыһы» тамғаһы (1944),
• ике Ленин ордены,
• Хеҙмәт Ҡыҙыл Байраҡ ордены,
• «1941-45 йылда Бөйөк Ватан һуғышында маҡтаулы хеҙмәте өсөн» миҙалы,
• башҡа миҙалдар.

Һылтанмалар

• Крымская Вера Петровна 2020 йылдың 10 апрель көнөндә архивланған.