Карюков Фәһим Сайран улы

Место смерти	Өфө, Башҡортостан Республикаhы, Рәсәй
Гражданство	СССР  Рәсәй
Пол или гендер	ир-ат
Член спортивной команды	Салауат Юлаев хоккей клубы
Дата рождения	1948 йылдың 4 ғинуары(1948-01-04)
Полученные награды
Дата смерти	2015 йылдың 18 майы(2015-05-18) (67 йәш)
Род занятий	тренер
Место рождения	Яңы Кәлсер, Ауырғазы районы, Башҡорт АССР-ы, РСФСР, СССР
Учебное заведение	П. Ф. Лесгафт исемендәге Физик культура, спорт һәм сәләмәтлек милли дәүләт университеты

Карюков Фәһим Сайран улы (4 ғинуар 1948 йыл — 18 май 2015 йыл) — спортсы, хоккейсы, шайбалы хоккей буйынса СССР-ҙың спорт мастеры (1976), СССР һәм Рәсәй тренеры, Рәсәй Федерацияһының атҡаҙанған тренеры.

Биографияһы

Фәһим Сайран улы Карюков 1948 йылдың 4 ғинуарында Башҡорт АССР-ының Ауырғазы районы Яңы Кәлсер ауылында тыуған.

Стәрлетамаҡтың «Авангард» спорт клубы тәрбиәләнеүсеһе (тренеры С. Коршунов).

1969-1973 һәм 1975-1980 йылдарҙа Салауат Юлаев исемендәге спорт клубы командаһы өсөн уйнай, «Салауат Юлаев» хоккей командаһы өсөн 138 шайба индерә. «Шахтер кубогы» халыҡ-ара турнир чемпионы (Польша, 1972), СССР беренселегенең беренсе лигаһы еңеүсеһе (1977/1978). Шулай уҡ Куйбышевтың СКА клубы өсөн сығыш яһай (1973—1975).

1978 йылда П. Ф. Лесгафт исемендәге Ленинград физик культура институтын тамамлай. 1980 йылда — «Салауат Юлаев» олимпия резервындағы махсуслашҡан балалар һәм үҫмерҙәр спорт мәктәбе тренер-уҡытыусыһы, бер үк ваҡытта СССР (1986) һәм Рәсәй (1998) юниорҙар йыйылма командаһы тренеры. Уның етәкселегендә «Салауат Юлаев» олимпия резервындағы махсуслашҡан балалар һәм үҫмерҙәр спорт мәктәбенең үҫмерҙәр командаһы Рәсәй беренселегенең көмөш (1998-99) һәм бронза (1996 — 97) призеры, халыҡ-ара «Балтика көҙө» (Рига, 1998) турниры еңеүсеһе. Тәрбиәләнеүселәре араһында ике тапҡыр донъя чемпионы Денис Денисов, шулай уҡ СССР-ҙың һәм Рәсәйҙең туғыҙ спорт мастеры.

Маҡтаулы исемдәре һәм башҡа бүләктәре

• Рәсәйҙең атҡаҙанған тренеры (2004),
• Башҡортостан Республикаһының атҡаҙанған физик культура хеҙмәткәре (1994).
• «Башҡортостан Республикаһының иң яҡшы тренеры» (2007),
• Башҡорт АССР-ы Юғары Советы Президиумының Почёт грамотаһы (1978).

Сығанаҡтар

• Фагим Карюков: "Поначалу местные ребята пытались меня как-то выжить из «Салавата» 2016 йылдың 11 март көнөндә архивланған.
• Ушёл из жизни тренер «Салавата Юлаева» Фагим Карюков

Һылтанмалар

• Карюков Фәһим Сайран улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 3 ғинуар 2023)