Эстәлеккә күсергә

Ибраһим Әбүләйеш

Мегавики проектынан
Ибраһим Әбүләйеш
Ibrahim Abouleish
Тыуған көнө 23 март 1937({{padleft:1937|4|0}}-{{padleft:3|2|0}}-{{padleft:23|2|0}})
Тыуған урыны Маштуль-эс-Сук
Вафат булған көнө 15 июнь 2017({{padleft:2017|4|0}}-{{padleft:6|2|0}}-{{padleft:15|2|0}}) (80 йәш)
Вафат булған урыны
Гражданлығы Мысыр Мысыр
Эшмәкәрлеге химик, эшҡыуар һәм менеджер
Наградалары һәм премиялары
Логотип Викисклад Викисклад файлдары

Ибраһим Әбүләйеш[1] (إبراهيم أبو العيش, Ibrahim Abouleish; 23 март 1937 йыл — 15 июнь 2017 йыл) — Мысыр химигы, эшҡыуары һәм менеджеры, үҙе асҡан һәм етәкселек иткән «Секем» (ингл. SEKEM) холдингы аша социаль эшҡыуарлыҡ принциптарын тормошҡа ашыра[2][3][4][5][6].

2003 йылда «Дөрөҫ йәшәү рәүеше өсөн» премияһына лайыҡ булған[2].

Биографияһы

Ибраһим Әбүләйеш 1937 йылдың 23 мартында Мысырҙың Мәштүл-әс-Суҡ тигән ҡалаһында (Шәрҡиә моһафазаһы) тыуған[4].

1956 йылдан Австриялағы Грац университетында химия һәм медицина өйрәнә, 1969 йылда фармакология өлкәһендә докторлыҡ дәрәжәһе ала[3][4].

1960 йылда өйләнә; ике ҡыҙы тыуа[4].

Австрияла фармацевтик тикшеренеүҙәр тармағында етәксе вазифаларҙа эшләй[4].

1977 йылда Мысырға сәфәре ваҡытында ватанының ауыр хәлдә булыуын күрә — илде иҡтисад көрсөгө, мәғарифтың артта ҡалғанлығы, халыҡ һанының үтә күплеге, тирә-яҡ мөхиттең бысраныуы кеүек ауыр проблемалар баҫҡан[4][6].

Тыуған иленең мөшкөл хәле уға бик көслө тәьҫир яһай һәм ул, Австрияла 20 йыл йәшәгәндән һуң, ғаиләһе менән Мысырға ҡайтып төпләнә[6].

1977 йылда Ибраһим Әбүләйеш «Секем» (ингл. SEKEM) социаль венчурлыҡ предприятиеһын аса, уның маҡсаты «ерҙе һәм кешеләрҙе һауыҡтырыу» була[5][6][7].

«Секем» тигән беренсе ауыл хужалығы предприятиеһы Ҡаһирәнән төньяҡ-көнсығышта 70 акр сүл ерендә ойошторола[4].

Күп йылдарға һуҙылған эшмәкәрлек һөҙөмтәһендә Әбүләйеш асҡан һәм етәкселек иткән холдинг тәбиғи продукттар һәм шифалы үҫемлектәрҙән эшләнгән дарыуҙар баҙарында лидерға әүерелә[4]. Компания ауыл хужалығын алып барыуҙың биодинамик ысулдарын файҙаланыу яҡлы. Ауыл хужалығы культураларына, айырыуса мамыҡҡа, зарар килтереүсе ҡоротҡостар менән көрәштең экологик нигеҙләнгән сараларын ҡулланыуҙы пропагандалай[4].

Ибраһим Әбүләйеш Мысырҙа ғына түгел, донъяла күренекле социаль эшҡыуар булыраҡ танылыу яулай — ул белем биреү программалары эшләй, мәктәптәр, медицина үҙәге, Ҡулланма сәнғәттәр һәм фәндәр академияһы, шәхси университет аса[4].

2003 йылда «XXI быуат моделе эшләнмәһе» һәм «һөйөү иҡтисады» ярҙамында иҡтисади уңышлылыҡ һәм йәмғиәттең социаль һәм мәҙәни үҫеше интеграцияһы моделе эшләнмәһе өсөн «Дөрөҫ йәшәү рәүеше өсөн» премияһына лайыҡ була[2][4].

Шәхси тормошо

Өйләнгән, Хелми (Helmy, 1961) һәм Мона (Mona, 1963) исемле ике ҡыҙы бар.

Иҫкәрмәләр

  1. ↑ Төрлө сығанаҡтарҙа, төрлө телдәрҙә исеменең яңғырашы төрлө: Абулиш, Абулеиш, Абоулиш, Абоулеиш, Аболейш.
  2. ↑ 2,0 2,1 2,2 Sekem / Ibrahim Abouleish (2003, Egypt) (ингл.). The Right Livelihood Award (2003). Мөрәжәғәт итеү датаһы: 22 апрель 2015. 2010 йылдың 20 июнь көнөндә архивланған.
  3. ↑ 3,0 3,1 Dr. Ibrahim Abouleish (Councillor Biographies) (ингл.). World Future Council. Мөрәжәғәт итеү датаһы: 22 апрель 2015. 2007 йылдың 30 июнь көнөндә архивланған.
  4. ↑ 4,00 4,01 4,02 4,03 4,04 4,05 4,06 4,07 4,08 4,09 4,10 Ibrahim Abouleish (нем.). chemie.de. Мөрәжәғәт итеү датаһы: 22 апрель 2015.
  5. ↑ 5,0 5,1 Джоанна Мэйр и Кейт Гэнли. Социальное предпринимательство: инновации для устойчивого развития. — 2010. — С. 109-120. Печатается по: Johanna Mair and Kate Ganly. Social Entrepreneurs: Innovating Toward Sustainability (инг.) // Worldwatch Institute State of the World 2010: Transforming Cultures. From Consumerism to Sustainabilit. — New Yor: W.W. Norton & Company, 2010. — P. 103-109.
  6. ↑ 6,0 6,1 6,2 6,3 Ангелина Горбунова. Пять мифов о социальном предпринимательстве. Частный Корреспондент (14 декабрь 2014). Мөрәжәғәт итеү датаһы: 29 апрель 2015. 2015 йылдың 28 апрель көнөндә архивланған.
  7. ↑ «ерҙе һәм кешеләрҙе йылытыу».

Һылтанмалар

«https://ba.megawiki.ru/w/index.php?title=Ибраһим_Әбүләйеш&oldid=31372» битенән алынған