Гулина Эльвира Александровна

Место смерти	Ильина Поляна ауылы, Благовещен районы, Башҡортостан Республикаhы, Рәсәй;
Дата смерти	2012 йылдың 21 ғинуары (75 йәш)
Пол или гендер	ҡатын-ҡыҙ
Дата рождения	1936 йылдың 31 марты
Полученные награды	; ;
Род занятий	һауынсы
Место рождения	Нальчик, Кабардино-Балкарская автономная область[d], Северо-Кавказский край[d], РСФСР, СССР;
Гражданство	СССР; Рәсәй;

Гулина Эльвира Александровна (31 март 1936 йыл — 21 ғинуар 2012 йыл) — малсылыҡ алдынғыһы. 1960—1988 йылдарҙа Башҡорт АССР-ы Благовещен районының «Степановка» совхозы Ильина Поляна һөт-тауар фермаһы һауынсыһы, Социалистик Хеҙмәт Геройы (1973). Ике тапҡыр СССР-ҙың Дәүләт премияһы лауреаты (1981, 1982).

Биографияһы

Эльвира Александровна Гулина 1936 йылдың 31 мартында (икенсе мәғлүмәттәр буйынса, 27 сентябрендә^[1]) Төньяҡ Кавказ крайының Ҡабарҙы-Балҡар автономиялы округы Нальчик ҡалаһында тыуған (хәҙер Ҡабарҙы-Балҡар Республикаһы). Хеҙмәт юлын 1954 йылда Ҡаҙаҡ ССР-ының Алма-Ата өлкәһендәге Аксуйск районында башлай. 1960 йылдан — Башҡорт АССР-ы Благовещен районының Ильин-Полянский һөт-тауар фермаһы һауынсыһы. Хаҡлы ялға киткәнгә тиклем шунда эшләй. Һауынсылар араһында Бөтә союз социалистик ярыш еңеүсеһе, биш йыллыҡ фондына шәхси өлөш индереү өсөн республика малсылары араһындағы хәрәкәттең инициаторы була. Һауынсыларҙың республика алдынғы тәжрибә мәктәбе менән етәкселек итә.

Башҡорт АССР-ының туғыҙынсы һәм унынсы саҡырылыш Юғары Советы депутаты итеп һайлана (1975—1985).

Эльвира Гулина 2012 йылдың 21 ғинуарында Благовещен районы Ильина Поляна ауылында вафат була.

Маҡтаулы исемдәре һәм башҡа бүләктәре

Социалистик Хеҙмәт Геройы (1973)
ике тапҡыр СССР-ҙың Дәүләт премияһы (1981, 1982)
Башҡорт АССР-ының атҡаҙанған малсыһы (1973)
ике Ленин ордены (1971, 1973)
Октябрь Революцияһы ордены (1986)
Хеҙмәт Ҡыҙыл Байраҡ ордены (1967)
Халыҡтар Дуҫлығы ордены (1980)

Иҫкәрмәләр

↑ Башҡорт энциклопедияһы — Гулина Эльвира Александровна (Тикшерелеү көнө: 24 сентябрь 2021)

Шулай уҡ ҡарағыҙ

Игорь Сердюков. Гулина Эльвира Александровна (билдәһеҙ). «Герои страны» сайты. Мөрәжәғәт итеү датаһы: 9 июль 2016.
Башҡортостандың Социалистик Хеҙмәт Геройҙары

Һылтанмалар

Гулина Эльвира Александровна // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 30 март 2021)
Эльвира Гулина иҫтәлегенә

[1] Башҡорт энциклопедияһы — Гулина Эльвира Александровна (Тикшерелеү көнө: 24 сентябрь 2021)

[1]