Васильев Олег Федорович

Васильев Олег Федорович
Васильев Олег Федорович
Тыуған көнө	1925 йылдың 1 авгусы
Тыуған урыны	Мәскәү, СССР, Совет Рәсәйе;
Вафат көнө	2017 йылдың 7 марты (91 йәш)
Вафат урыны	Новосибирск, Рәсәй;
Ил	СССР; Рәсәй;
Ғилми даирәһе	гидродинамика[d]
Эшләгән урыны	Институт водных и экологических проблем СО РАН[d];
Альма-матер	Мәскәү дәүләт тәбиғәтте ЯЙЛАУ университеты[d];
Ғилми дәрәжәһе	техник фәндәр докторы[d]
Награда һәм премиялары

Васильев Олег Федорович ( 1 август 1925 йыл — 7 март 2017 йыл) — ғәмәли гидродинамика һәм гидравлика өлкәһендә СССР һәм Рәсәй ғалимы, океанология, атмосфера физикаһы һәм география бүлектәре буйынса Рәсәй Фәндәр академияһы академигы (1994; 1970 йылдан СССР Фәндәр академияһының ағза-корреспонденты), РФА кәңәшсеһе.

Биографияһы

Олег Федорович Васильев 1925 йылдың 1 авгусында Мәскәүҙә тыуған. Бөйөк Ватан һуғышында ҡатнашҡан. 1948 йылда Мәскәү гидромелиорация институтын тамамлай. 1948-1959 йылдарҙа Мәскәү инженер-төҙөлөш институтында эшләй. Техник фәндәр кандидаты (1951) ^[1]. П. Я. Кочинанан СССР Фәндәр академияһының Себер филиалына эшкә саҡырыу ала. 1959 йылдың 1 апреленән ул СССР Фәндәр академияһының Себер филиалының Гидродинамика институтында, ғәмәли гидродинамика лабораторияһы мөдире булып эшләй. Техник фәндәр докторы (1960 йылдың 17 июнендә яҡлай) ^[2]. Халыҡ-ара ғәмәли системалы анализ институтының директор урынбаҫары (IIАSA, Австрия) (1977-1980). 1970 йылда СССР Фәндәр академияһының ағза-корреспонденты итеп һайлана. 1994 йылда Рәсәй фәндәр академияһы академигы.

РФА Себер филиалының һыу һәм экология проблемалары институтының ойоштороусыһы (1985) һәм беренсе директоры (1987-1995), 1995 йылдан РФА кәңәшсеһе. Уның уҡыусылары араһында 13 фән докторы һәм 40 тирәһе фән кандидаты.

300 самаһы фәнни баҫма, шул иҫәптән 5 монография һәм бер нисә монография күҙәтеүе авторы һәм авторҙашы.

«Водные ресурсы», «Сибирский экологический журнал», «Ecological Modelling» (Elsevier) журналдарының мөхәрририәт ағзаһы.

Көньяҡ зыяратта ерләнгән.

Фәнни эшсәнлеге

Фәнни эшмәкәрлек өлкәләре: ғәмәли гидродинамика, гидравлика, гидрология, гидрофизика һәм һыуһаҡлағыстар экологияһы.

Баҫмалары

Основы механики винтовых и циркуляционных потоков, М. — Л., 1957.
О газотермодинамическом расчёте потоков в простых и сложных трубопроводах, «Изв. Сибирского отделения АН СССР». Серия технических наук, 1968, № 13, в. 3 (совм. с А. Ф. Воеводиным).

Бүләктәре

- I дәрәжә Ватан һуғышы ордены (11.03.1985),

- Ике «Почёт Билдәһе» ордены (1967, 1975),

- IV дәрәжә «Ватан алдындағы ҡаҙаныштары өсөн» ордены (1997),

- миҙалдар, шул иҫәптән «Батырлыҡ өсөн» миҙалы (1943) ^[3] .

Иҫкәрмәләр

Һылтанмалар

[1] Каталог РНБ

[2] Каталог РНБ

[3] Память народа

[1]

[2]

[3]