Боған

Боған (рус. Гоголь, лат. Bucephala clangula) — тундра һыҙатында йәшәй, ите ашалмай торған ҡош.

Ҡылыҡһырлама

Һуна өйрәктән бәләкәйерәк. Яңғы. парлашып йәки күмәкләшеп йәшәйҙәр. Яҡшы сума. Ата өйрәктең башы, ҡанаттары, ҡойроғо ҡара. Кәүҙәһенең аҫҡы өлөшө һәм яуырындарындағы киң һыҙыҡ аҡ. Ике яҡлап суҡышы төбөндә аҡ таптар бар. Инә ҡоштоң һәм яҙлы-көҙлө ата өйрәктең башы, һырты, ҡойроғо һорғолт көрән, ҡалған өлөшө аҡ. Суҡыштарының төбөндә аҡ тап булмай. Ҡарасабандан аҡ түше һәм суҡышы төбөндәге таптар менән айырыла.

Тауышы

Ҡарлыҡҡан тауыш сығара:"ҡрра-ҡрра".

Туҡланыуы

Һыу үҫемлектәре һәм бөжәктәрҙе ашай.

Йәшәү рәүеше

Урман аша үткән йылғаларҙа, урмандағы күлдәрҙә йәшәй. Һыу үҫемлектәре һәм бөжәктәре ашай. Күсмә ҡош. Киң генә таралған. Ағас ҡыуыштарында оялай. 5—11 бөртөк йәшкелт зәңгәр йомортҡаһы була. Ите өсөн аулайҙар