Басиров Сафуан Абдулхаҡ улы
| Басиров Сафуан Абдулхаҡ улы | |
|---|---|
| Файл:Файл-Басыров С. А.jpg | |
| Тыуған көнө | 1925 йылдың 25 июле (101 йәш) |
| Тыуған урыны | |
| Ил | |
| Наградалары һәм премиялары | |
Басиров Сафуан Абдулхаҡ улы (1925 йылдың 25 июле, Бабай ауылы, Башҡорт АССР-ы) — Бөйөк Ватан һуғышы ветераны. Рядовой. Өфө ҡалаһының почётлы гражданы (2025).
Биографияһы
Сафуан Абдулхаҡ улы Басиров 1925 йылдың 25 июлендә Башҡорт АССР-ының Мишкә районы Бабай ауылында тыуа. Тыуған ауылында башланғыс мәктәпте тамамлағандан һуң, 14 йәшенән «Дружба» колхозында эшләй.
Хәрби хеҙмәте
1943 йылдың ноябрендә Ҡыҙыл Армия сафына саҡырыла һәм Алыҫ Көнсығышҡа ебәрелә. Приморье крайында артиллерист булып хеҙмәт итә. 1944 йылда Маньчжурия сигенә оҙатыла.
1945 йылдың авгусында Корея ярымутрауының төньяғында япон илбаҫарҙарына ҡаршы азат итеү хәрәкәттәрендә ҡатнаша. Төньяҡ Корея, Сахалинда һәм Курил утрауҙарында алыштарҙа ҡатнаша.
Хәрби хәрәкәттәрҙән һуң ваҡытлы хәрби хеҙмәтен дауам итә һәм Совет Армияһы резервына индерелә. Тыуған яғына ҡайтҡас, колхозда эшләй.
2025 йылдың 15 ғинуарында «Еңеү» ойоштороу комитеты ултырышында Рәсәй Президентының РФ Оборона министрлығының барлыҡ фронтовиктарға-Бөйөк Ватан һуғышында ҡатнашыусыларға үҙ ҡалалары һәм райондарының, ауылдарының почётлы гражданы исемен биреү тураһындағы инициативаһын хуплауы нигеҙендә 2025 йылдың 27 февралендә «Өфө ҡалаһының почётлы гражданы» исеме бирелә[1].
2025 йылдың 9 майында Ҡыҙыл майҙанда үткән парадта почётлы ҡунаҡ булып ҡатнаша[2].
Ғаиләһе
Тормош иптәше менән ете бала тәрбиәләп үҫтерә.
Маҡтаулы исемдәре һәм башҡа бүләктәре
- «1941-1945 йылдарҙағы Бөйөк Ватан һуғышында еңеүгә 80 йыл» миҙалы[2]
- Өфө ҡалаһының почётлы гражданы (2025)[3]
- Батырлыҡ өсөн миҙалы
- «1941-1945 йылдарҙағы Бөйөк Ватан һуғышында Германияны еңгән өсөн» миҙалы
- «Совет Армияһы һәм флотына 30 йыл» миҙалы[4]
- Японияны еңгән өсөн миҙалы
- II дәрәжә Ватан һуғышы ордены
- Жуков миҙалы
- юбилей миҙалдары.
Иҫкәрмәләр
Һылтанмалар
- Страницы, использующие расширение JsonConfig
- 25 июлдә тыуғандар
- 1925 йылда тыуғандар
- Башҡорт АССР-ында тыуғандар
- II дәрәжә Ватан һуғышы ордены кавалерҙары
- Жуков миҙалы менән наградланыусылар
- «1941—1945 йылдарҙағы Бөйөк Ватан һуғышында Германияны еңгән өсөн» миҙалы менән бүләкләнгәндәр
- Өфө ҡалаһының почётлы граждандары
- Алфавит буйынса шәхестәр