Барсукова Софья Алексеевна
Барсукова Софья Алексеевна (25 ноябрь 1929 йыл) — СССР һәм Рәсәй физигы, СССР Дәүләт премияһы лауреаты, техник фәндәр кандидаты.
Биографияһы
Софья Алексеевна Барсукова 1929 йылдың 25 ноябрендә Силәбе өлкәһе Копейск ҡалаһында тыуған.
1947 йылда Урал дәүләт университетының физика факультетына уҡырға инә. 1950 йылда Мәскәү дәүләт университетының шул уҡ факультетына күсә, уны 1952 йылдың декабрендә «Радиотулҡындар таралыу» кафедраһы буйынса тамамлай.
1953—2008 йылдарҙа СССР Радиосәнәғәт министрлығының Мәскәү ғилми-тикшеренеү институтында (НИЭМИ, хәҙер «Алмаз — Антей») эшләй: инженер, өлкән инженер, баш конструктор, лаборатория етәксеһе, сектор начальнигы, фәнни-тикшеренеү бүлеге начальнигы (30-сы бүлек, «антенна бүлеге»), техник йүнәлеш буйынса баш конструктор, Мәскәү ғилми-тикшеренеү институтының күпселек эре асыштары буйынса баш конструктор урынбаҫары (шул иҫәптән «С-300В» һәм «ТОР» ПВО системалары), бер нисә фәнни-тикшеренеү эшенең фәнни етәксеһе.
Барсукова Софья Алексеевна 2008 йылдан хаҡлы ялда.
Техник фәндәр кандидаты, өлкән ғилми хеҙмәткәр.
Маҡтаулы исемдәре һәм башҡа бүләктәре
- СССР-ҙың Дәүләт премияһы лауреаты (1978)
- Рәсәй Федерацияһының атҡаҙанған машиналар эшләүсеһе
- СССР-ҙың почетлы радисы
- Ленин ордены
- Хеҙмәт Ҡыҙыл Байраҡ ордены.
Шәхси тормошо
Ире — Смирнов Василий Александрович, улы — Алексей.
Сығанаҡтар
- Вооружение и военная техника сухопутных войск России. Биографическая энциклопедия. ЗАО "Издательский дом «Столичная энциклопедия», 2010.
- https://phys.msu.ru/rus/about/sovphys/ISSUES-2015/05(114)-2015/22245/
- http://pvo.guns.ru/book/kupol/people.htm
- http://upmsu.phys.msu.ru/1952/novik.pdf