Баймөхәмәтов Фларид Фәрит улы

Баймөхәмәтов Фларид Фәрит улы
Баймөхәмәтов Фларид Фәрит улы
	Файл:Баймухаметов Фларид Фаритович.jpeg
Тыуған көнө	1 август 1945 (81 йәш)
Тыуған урыны	Башҡорт АССР-ының Салауат районы Лаҡлы ауылы
Гражданлығы	СССР; Рәсәй Федерацияһы
Эшмәкәрлеге	уҡытыусы, йәмәғәтсе.
Атаһы	Баймөхәмәтов Фәрит Зәкир улы (15.03.1921—12.09.1993)
Әсәһе	Баймөхәмәтова Мөслимә Әғзәм ҡыҙы

Страница Ҡалып:Шаблон:Trust factors/styles.css не имеет содержания.

РУВИКИ интернет-энциклопедияһында Баймөхәмәтов фамилиялы башҡа кешеләр тураһында мәҡәләләр бар.

Баймөхәмәтов Фларид Фәрит улы (рус. Баймухаметов Фларид Фаритович; 1 август 1945 йыл) — педагог, йәмәғәтсе. 1980—2006 йылдарҙа Салауат районы Малаяҙ ауылындағы 1-се урта мәктәп директоры. 1988—2005 йылдарҙа район советы депутаты. Башҡортостан Республикаһының атҡаҙанған уҡытыусыһы (2001), РСФСР-ҙың халыҡ мәғарифы отличнигы (1984).

Биографияһы

Фларид Фәрит улы Баймөхәмәтов 1945 йылдың 1 авгусында Башҡорт АССР-ының Салауат районы Лаҡлы ауылында тыуған^[1].

Хеҙмәт эшмәкәрлеген 1963 йылда Өфөләге 1-се техник училищены тамамлағандан һуң 22-се партсъезд исемендәге Өфө нефть эшкәртеү заводында оператор булып башлай^[1].

1964 йылда СССР Ҡораллы Көстәренә хәрби хеҙмәткә саҡырыла, уны Ҡаҙаҡ ССР-ының Приозерск ҡалаһында үтә, 1967 йылда запасҡа ҡайтарыла. 1980 йылда запастағы өлкән лейтенант званиеһы бирелә.

1969 йылдан Лаҡлы урта мәктәбенең химия, 1971 йылдан — математика, 1972 йылдан — хәрби эш уҡытыусыһы, 1974 йылдан — директоры^[1].

1974 йылда ситтән тороп Башҡорт дәүләт педагогия институтын^[2] тамамлай.

1977 йылдан хәҙерге Малаяҙ 1-се урта мәктәбе директорының уҡытыу-тәрбиә эштәре буйынса урынбаҫары, 1980 йылдан — директоры, шул иҫәптән 1992 йылдан — гимназия-мәктәп, 1999—2000 йылдарҙа гимназия директоры; 2006—2011 йылдарҙа — математика уҡытыусыһы, бер үк ваҡытта 2006—2007 йылдарҙа директорҙың кадет кластарында уҡытыу-тәрбиә эштәре буйынса урынбаҫары^[1].

2012—2020 йылдарҙа Балалар ижад йорто педагогы.

Йәмәғәт эшмәкәрлеге

Салауат район советы депутаты (1988—2005), советтың президиум ағзаһы (1990—2005)
Лаҡлы ауыл советы депутаты (1975—1977)
Салауат ауыл советы депутаты (1977—1990)
Район мәғариф бүлеге советы ағзаһы (1984—1994)
«Ветеран» Торлаҡ милекселәре ширҡәте етәксеһе (2008 йылдан).

Файл:Диплом Баймухаметова Ф. Ф..jpeg

«Малаяҙ гимназияһының почётлы уҡытыусыһы» дипломы

Маҡтаулы исемдәре һәм башҡа бүләктәре

Башҡортостан Республикаһының атҡаҙанған уҡытыусыһы (2001)
РСФСР-ҙың халыҡ мәғарифы отличнигы (1984)
«Башҡортостан Республикаһы ойошторолоуға 100 йыл» миҙалы
Малаяҙ гимназияһының почётлы уҡытыусыһы (2022).

Иҫкәрмәләр

↑ ^1,0 ^1,1 ^1,2 ^1,3 Энциклопедия Салаватского района Республики Башкортостан.
↑ Хәҙер М. Аҡмулла исемендәге Башҡорт дәүләт педагогия университеты.

Һылтанмалар

Энциклопедия Салаватского района Республики Башкортостан / К. К. Галеева. — Уфа: АКИРУС, 2024. — С. 690—691. — 800 с. (рус.) (Тикшерелеү көнө: 6 июль 2024)
Баймухаметов Фларит Фаритович - зам.директора по научной работе (урыҫ). Малоязовская средняя школа № 1. Официальный сайт. Мөрәжәғәт итеү датаһы: 6 июль 2024. (рус.) (Тикшерелеү көнө: 6 июль 2024)
Товарищество собственников жилья (ТСЖ) «Ветеран». Руководитель: Баймухаметов Фларид Фаритович (рус.) (Тикшерелеү көнө: 6 июль 2024)

[ЭСр-1] 1,0 ^1,1 ^1,2 ^1,3 Энциклопедия Салаватского района Республики Башкортостан.

[2] Хәҙер М. Аҡмулла исемендәге Башҡорт дәүләт педагогия университеты.

[1]

[2]