Абдуллин Ғафар Абдулла улы

Ғафар Абдулла улы Абдуллин
Ғафар Абдулла улы Абдуллин
Тыуған көнө	1930 йылдың 24 октябре
Тыуған урыны	Аҡтаныш районы, Татар АССР-ы[d], СССР;
Вафат булған көнө	2008 йылдың 31 октябре (78 йәш)
Вафат булған урыны	Нефтекама, Башҡортостан Республикаhы, Рәсәй;
Ил	СССР; Рәсәй;
Эшмәкәрлеге	төҙөүсе

РУВИКИ интернет-энциклопедияһында Абдуллин фамилиялы башҡа кешеләр тураһында мәҡәләләр бар.

Ғафар Абдулла улы Абдуллин (рус. Абдуллин Гафар Абдуллович; 1930 йылдың 24 октябре, Аҡтаныш районы, Татар АССР-ы^[d] — 2008 йылдың 31 октябре, Нефтекама, Башҡортостан Республикаhы) — «Башнефтепромстрой» тресының плотниктар бригадиры. Хеҙмәт Даны орденының тулы кавалеры. Башҡорт АССР-ының атҡаҙанған төҙөүсеһе (1978). СССР Нефть-газ төҙөлөшө министрлығының почётлы хеҙмәткәре (1987). Нефтекама ҡалаһының почётлы гражданы (1990).

Тормош юлы

1930 йылдың 24 октябрендә Татар АССР-ының Аҡтаныш районы Ҡәҙермәт ауылында (хәҙер — Татарстан Республикаһы Аҡтаныш районы) тыуған. 1920 йылға тиклем был территория Өфө губернаһының Минзәлә өйәҙе составына ингән^[1].

Белеме — тулы булмаған урта. Хеҙмәт эшмәкәрлеген Татар АССР-ы Калинин районының 12-се Октябрь исемендәге колхозында башла4ан. 1957 йылдан Башҡортостанда Павловка ГЭС-ын төҙөүҙә плотник булып эшләй. 1959 йылдан — плотник, 1964 йылдан — «Башнефтепромстрой» тресының плотниктар бригадиры. 1985 йылда дөйөм төҙөлөш эштәре бригадаһын етәкләй^[2]^[1].

Ун йылдар дауамында йөҙләгән йәш эшсене әҙерләй, хеҙмәт етештереүсәнлеген арттырыуға йүнәлтелгән күп рационализаторлыҡ тәҡдимдәр авторы була^[1].

1990 йылдан хаҡлы ялда. Ветерандар советы составында була, трест хеҙмәткәрҙәре менән осраша, район һәм ҡала гәзиттәрендә сығыш яһай^[1].

2008 йылдың 31 октябрендә Нефтекама ҡалаһында вафат булған^[2]^[1].

Маҡтаулы исемдәре һәм башҡа наградалары

Оҙайлы хеҙмәте һәм юғары производство күрһәткестәре, төҙөлөш пландарын системалы рәүештә артығы менән үтәгәне өсөн бүләкләнгән:

Хеҙмәт Ҡыҙыл Байраҡ ордены (1971)^[2];
Хеҙмәт Даны ордены III дәрәжә (1975)^[2];
Хеҙмәт Даны ордены II дәрәжә (1981)^[2];
Хеҙмәт Даны ордены I дәрәжә (1986)^[2];
«Хеҙмәт ветераны» миҙалы^[1].
Башҡорт АССР-ының атҡаҙанған төҙөүсеһе (1978)^[2];
СССР Нефть һәм газ сәнәғәте предприятиеларын төҙөү министрлығының почётлы хеҙмәткәре (1987)^[2];
Нефтекама ҡалаһының почётлы гражданы (1990)^[1].

Иҫкәрмәләр

↑ ^1,0 ^1,1 ^1,2 ^1,3 ^1,4 ^1,5 ^1,6 Гафар Абдуллин — славный представитель рабочего класса (билдәһеҙ). Башинформ (24 октябрь 2015). Мөрәжәғәт итеү датаһы: 12 август 2026.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Абдуллин Гафар Абдуллович (билдәһеҙ). Башкирская энциклопедия: в 7 тт.. Мөрәжәғәт итеү датаһы: 12 август 2026.

Әҙәбиәт

Герои труда / сост. Р. А. Валишин [и др.]. — Уфа: Китап, 2011. — 432 с. — ISBN 978-5-295-05228-6.
Башкирская энциклопедия / Гл. ред. М. А. Ильгамов. Т. 1: А-Б. — Уфа: Башкирская энциклопедия, 2005. — 624 с. — ISBN 5-88185-053-X.

Һылтанмалар

Абдуллин Ғафар Абдулла улы (билдәһеҙ). «Герои страны» сайты.
Абдуллин Ғафар Абдулла улы Башҡорт энциклопедияһында

[bashinform-1] 1,0 ^1,1 ^1,2 ^1,3 ^1,4 ^1,5 ^1,6 Гафар Абдуллин — славный представитель рабочего класса (билдәһеҙ). Башинформ (24 октябрь 2015). Мөрәжәғәт итеү датаһы: 12 август 2026.

[bashenc-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Абдуллин Гафар Абдуллович (билдәһеҙ). Башкирская энциклопедия: в 7 тт.. Мөрәжәғәт итеү датаһы: 12 август 2026.

[1]

[2]